Pas veprimit të paprecedent që bëri me shfaqjen e një videoje private të nënës së 15-vjeçarit që u dhunua nga policia, kryepolici Ardi Veliu kërkoi falje publike duke pretenduar se deklarata e tij u keqkuptua.
Në një mbledhje virtuale të Komisionit të Sigurisë ai shfaqi një video të nënës së djalit, në vend që të kërkonte ndjesë për sjelljen e efektivëve, duke thënë shprehimisht: “Shikoni nga çfarë familje vjen ky fëmijë!”
Për këtë, nëna e 15-vjeçarit, Zaida Çobo, ish-banore e Big Brother, e cila ka qenë duke xhiruar një film në momentin që shfaqet me armë në video, tha për ABC News, se do të depozitonte një padi në prokurori për drejtorin e Përgjithshëm të Policisë.
Pasi kërkoi ndjesë publike, Ardi Veliu ka takuar Zaida Çobon, duke ia thënë edhe personalisht ndjesën e tij publike për të “shlyer” gabimin.
Veliu ndau në profilin zyrtar të Policisë së Shtetit në Facebook gjatë takimit me Çobon, ndërsa krahas postimin shkroi fjalët:
“Sot u takuam me zonjën Zaida Çobo, e cila me të drejtë u ndje e lënduar nga komenti im që mori edhe shumë kritika publike. Dëshiroja që ndjesën time publike t’ia bëja zonjës personalisht dhe më vjen mirë për mirëkuptimin e saj. Përfitoj nga rasti ta përsëris edhe njëherë që jam i keqardhur për komentin tim dhe shpresoj që të jetë kuptuar nga të gjithë që ato fjalë nuk kishin qëllim fare të justifikonin policin (i cili është pezulluar menjëherë pas ngjarjes). Po ashtu nuk më ka shkuar kurrë mendja të lëndoj zonjën apo familjen e saj me atë koment. Ndjesë edhe njëherë!”
https://www.facebook.com/policiashtetitshqiptar/photos/a.1503908149895551/2770338489919171/?type=3
