Në epokën e internetit në të cilën jetojmë, nuk është çudi të shohim komente dhe mesazhe publike që prindërit u lënë personazheve të famshme të ekranit.
Kjo gjë i ka ndodhur reperit Gashi, i cili është kritikuar nga prindërit pasi publikoi një video “turpëruese” me një femër që kërcente para tij.
Reperi ka publikuar mesazhet që prindërit i dërgonin në Instagram, dhe më pas ka fshirë videon në fjalë.
“Mos e bëj veten të dukesh sikur po jeton një jetë të keqe. Mos bëj veprime që të mund të na bëjnë të ndihemi të turpëruar prej teje”, i ka shkruar i ati.
“E ka hequr Avni”, i shkruan e ëma në grupin e përbashkët.
“Më mirë më bëj block sesa të shoh ato”, vijon i ati.
“Mami dhe babi ju dua aq shumë sa e hoqa videon. Shihemi së shpejti”, shkruan Gashi.
Reperi më pas ka dhënë një super lajm të madh për një projekt të ri që po punon me një nga emrat më të njohur botërorë, G Eazy.
Ai ka publikuar pamjet nga xhirimet e klipit “My Year”, bashkë me reperin e famshëm.
Gashi paralajmëron me të drejtë se ky do të jetë viti i tij dhe pas këti bashkëpunimi ne nuk kemi asnjë dyshim!
