Një 14-vjeçar ka ndërruar jetë pas një aksidenti të rëndë që ndodhi në qytetin e Fierit mëngjesin e sotëm.
Ngjarja është regjistruar rreth orës 09:20 në vendin e quajtur “Fermë Çlirim”.
Shtetasi Rafaelo Spaho 20 vjeç, banues në Dërmënas, duke drejtuar automjetin tip “Volkswagen” ka aksidentuar shtetasen Marsela Bushi, 36 vjeçe, si dhe djalin e saj 14-vjeçar.
Nëna ndodhet në Spitalin Rajonal Fier nën kujdesin e mjekëve, por biri i saj ndërroi jetë nga plagët e marra.
Drejtuesi ka braktisur mjetin pas aksidentit dhe është larguar nga vendngjarja, por është kapur pak minuta më vonë nga shërbimet e policisë.
Hetimet vijojnë deri në zbardhjen e plotë të ngjarjes.
