Një ngjarje e rëndë është rregjistruar mbrëmjen e sotme në Lushnjë, ku një 41-vjeçar ka mbetur i vrarë.
Burime për “Ballkanweb.al” bëjnë të ditur se viktima quhet Qemal Alla dhe ngjarja ka ndodhur në fshatin Shegas.
Viktima është ekzekutuar me armë zjarri përpara banesës së tij. Mësohet se drejt vendit të ngjarjes janë nisur forcat e policisë së Lushnjës dhe FNSH.
Ndërkohë, raportohet se policia ka ngritur pika kontrolli dhe po bën krehjen e zonës për identifikimin dhe kapjen e autorit/ve të ngjarjes.
Burimi: Ballkanweb.al
