Një ngjarje e rëndë ka ndodhur në një familje në Mitrovicë të Kosovës, e cila ka tronditur vendin.
Dy anëtarë të së njëjtës familje janë vrarë. Sherri nisi mes tyre, teksa djali goditi me thikë babain e tij.
Ky i fundit mbeti i plagosur dhe u dërgua në spital, ku dhe ndërroi jetë pak minuta më vonë.
Ndërkohë në sherr është përfshirë edhe djali tjetër, i cili pasi pa se vëllai goditi me thikë babain e tyre, ka sulmuar edhe vetë vëllain e tij duke e lënë të vdekur.
KosovaPress raporton se krimi i rëndë ka ndodhur në familjen Bigoviç. Dy vëllezërit janë binjakë, ndërsa babai i tyre është avokat i njohur në Mitrovicë.
Nga hetimet e deritanishme të Policisë së Kosovës rezulton që kjo të jetë dinamika e ngjarjes, pra djali vrau me thikë babain dhe u vra edhe vetë nga vëllai i tij binjak. Ajo që nuk dihet deri më tani është shkaku i konfliktit brenda familjes që përfundoi me dy të vrarë.
Policia ka shkuar në vendin e ngjarjes dhe ka hapur tashmë disa pista hetimi për vrasjen e dyfishtë që tronditi vendin.
Të tjera informacione presim të bëhen të ditura në vazhdim nga Policia e Kosovës.
