Një ngajrje e rëndë ka ndodhur ditën e sotme në Durrës, ku babë e bijë janë mbytur në plazhin e Rrushkullit.
44-vjeçari me iniciale Dh.B., së bashku me vajzën e tij të mitur 9 vjeçare ishin futur në det për t’u larë por nuk dolën më të gjallë.
Mësohet se babai u nxorr nga uji i mbytur, ndërsa vajza u dërgua në gjendje të rëndë në spital, ku ka ndërruar jetë disa orë më pas.
Kujtojmë se gjatë këtyre muajve në plazhet shqiptare kanë humbur jetën mbi 10 persona për shkak se në këto mungojnë rojet bregdetare.
Pavarësisht se mediat kanë raportuar raste të shumta jetësh të humbura, duket se Ministrisë së Turizmit dhe Mjedisit as që e vë ujin në zjarr.
Njoftimi i policisë
Më datë 26.08.2020, rreth orës 18:00, në Rrushkull, Durrës, shtetasi Dh.B., 44 vjeç dhe shtetësja e mitur M.B., 9 vjeçe, (baba dhe vajzë), dyshohet se janë futur duke u larë në det, e për pasojë ka ndërruar jetë shtetasi Dh.B., ndërsa shtetësja M.B., ndodhet në spital nën kujdesin e mjekëve. Grupi hetimor dhe shërbimet e Policisë, ndodhen në vendngjarje dhe po punojnë për zbardhjen e rrethanave të ngjarjes.
