19-vjeçari Matheus Pavlak, nga Brazili u gjet i vdekur të dielën në shtëpinë e tij , nga një atak kardiak.
I biri i një oficeri policie që kishte vuajtur me parë nga obeziteti tani kishte arritur të konkurronte në kompeticionet e ‘bodybuilding’ në qytetin e tij dhe këtë vit ishte renditur në vend të pestë dhe të gjashtë në kompeticionet rajonale.
Matheus postonte shpesh foto e video të punës për transformimin e trupit të tij, duke treguar sesi ishte kthyer nga një i ri ‘bullafiq’ në një atlet me muskuj të mprehtë, brenda disa viteve.
Në një prej imazheve i ndjeri shkruante: “Nuk ka rëndësi sa e vështirë apo e pamundur të duket ëndrra jote, mjafton vetëm ta dëshirosh”.
