Një ngjarje e rëndë ka tronditur Matin mesditën e sotme. Dy punonjës të Bashkisë që shkuan për të hapur një rrugë kalimi në fshatin Shëlli u qëlluan me armë zjarri nga një person tjetër.
Burime pranë “Balkan Web” bëjnë me dije se dy persona kanë vdekur dhe 2 të tjerë janë plagosur. Sipas raportimeve punonjësit ishin ulur të hanin drekën në lokal pasi mbaruan punë, ndërkohë që autori i krimit u fut brenda dhe qëlloi me armë.
Autori i dyshuar mësohet të jetë Kujtim Koxha dhe dy orë pas ngjarjes, nën ndjekjen e 40 efektivëve të Policisë është kapur.
Viktimat janë Mentor Hoxha dhe Erzen Aliaj, që sapo ka ndërrur jetë dhe të plagosurit janë H.Buçi dhe Astrit Hani.
“Si rezultat i një pune të mirë organizuar Policia e Matit në bashkëpunim me Strukturat e D.V.P. Dibër, si rezultat i ndjekjes kap dhe arreston autorin e dyshuar, i cili qëlloi me armë drejt disa personave ku si pasojë mbeti i vrarë një shtetas dhe u plagosen 3 të tjerë. Autori i dyshuar Kujtim Koxha, banues në Shëlli Mat, u kap rreth një orë larg vendngjarjes në një urë në Burgajet”-deklaroi zyrtarisht policia.
Thuhet se ngjarja ka ndodhur pas një konflikti mes punonjësve të Bashkisë dhe autorit.
