Një aksident i rëndë ka ndodhur në orët e para të mëngjesit të sotëm në Fier. Disa të rinj, të cilët po ktheheshin nga mbrëmja e Maturës janë bërë pjesë e këtij aksidenti të rëndë.
Dy automjete janë përplasur me njëra-tjetrën në rrugën Fier-Daullas rreth orës 00:40. Mësohet se shtetasi D.M, 18 vjeç, i cili drejtonte automjetin tip “Volkswagen” është përplasur me mjetin tip “Benz”, i cili drejtohej nga shtetasi K.B, 19-vjeç. Si pasojë e këtij aksidenti ka mbetur e plagosur shtetasja me inicialet S.H. , 18-vjeçe.
Menjëherë pas aksidentit vajza është transportuar me urgjencë për në spitalin e Fierit ku ka marrë ndihmë e parë, dhe tashmë po i nënshtrohet një ndërhyrje kirurgjikale.
Shkaqet e aksidentit janë ende të paqarta dhe nuk dihet as se sa persona janë bërë pjesë e këtij aksidenti, ndërkohë policia po vijon hetimet për zbardhjen e ngjarjes.
Burimi: Balkanweb
