Një ngjarje e rëndë ka ndodhur në Gjilan ku një efektive policie ka vrarë katër anëtarët e familjes së saj dhe më pas ka kryer vetëvrasje.
Prokuroria Themelore në Gjilan, Departamenti për Krime të Rënda ka konfirmuar se ngjarja ka ndodhur sot rreth orës 13:00 në lagjen ‘’Bujanina’’, në Gjilan.
Gruaja me iniciale V.B., zyrtare policie, ka vrarë dy prindërit dhe dy vëllezërit e saj, ndërsa më pas ka kryer vetëvrasje, njofton “Klan Kosova”.
Në vendin e ngjarjes ka mbërritur menjëherë policia, prokurori i rastit dhe ekipi mjekësor, të cilët edhe kanë konstatuar vdekjen e tyre.
Rasti është duke u hetuar, ndërsa hetimet vijojnë!
/klankosova
