Një ngjarje e rëndë është shënuar sot në Tiranë, ku bashkëshortja e gjyqtarit të Krimeve të Rënda Dritan Hallunaj i ka dhënë fund jetës.
Nuk dihen ende rrethanat, por policia thotë se ngjarja ka ndodhur sot në orën 13:16 ku 37-vjeçarja E. Hallunaj është hedhur nga ballkoni i banesës në katin e tetë.
“Më datë 02.08.2018, rreth orës 13:16, në rrugën “Vashko Pasha”, dyshohet të jetë hedhur nga ballkoni i pallatit, shtetasja E. H., rreth 37 vjeçe, e cila ka gjetur vdekjen e menjëhershme. Po punohet për sqarim të mëtejshëm të rrethanave të ngjarjes”, njofton policia.
Hallunaj u konfirmua dje në detyrë nga KPK duke kaluar vettingun. Gjyqtari doli i pastër në tre shtyllat e kontrollit dhe nuk u konstatuan problematika me pasuritë e tij. Por rikonfirmimi i tij në detyrë solli pakënaqësi tek opozita, e cila rikujtoi vendimin e gjyqtarit Hallunaj për lirimin e Arben Frrokut.
Burimi: BalkanWeb
