Më shumë se 30 persona kanë humbur jetën tragjikisht në Bolivi pas një aksidenti rrugor, kur autobusi me të cilin udhëtonin doli nga rruga dhe ra në një greminë në një zonë malore.
Sipas raporteve të BBC-së, aksidenti la 14 pasagjerë të lënduar, përfshirë katër fëmijë, disa prej të cilëve ndodhen në gjendje të rëndë. Zyrtarët lokalë dyshojnë se aksidenti mund të jetë shkaktuar nga shpejtësia tej normave të lejuara dhe nga pakujdesia e shoferit.
Aksidentet rrugore vdekjeprurëse janë të zakonshme në Bolivi për shkak të infrastrukturës së dobët rrugore, një problem që vazhdon të rrezikojë jetën e shumë qytetarëve.
