E quajti të shitur sepse është pro prishjes së teatrit! Robert Ndrenika i përgjigjet me ironi Guljelm Radojës

Lajmet për Teatrin Kombëtar vazhdojnë dhe gjatë kësaj kohe nuk kanë munguar as replikat midis aktorëve.

Lexo edhe :

Filmi “Odisea” i Christopher Nolan rikthen Homerin në modë, shitjet e librave rriten me 1.400% dhe Shqipëria bëhet pjesë e historisë

12:35 30/07/26

“Çdo ditë zgjohesha me frikë”/ Nara Smith rrëfen ankthin e fshehjes së diagnozës së kancerit të vajzës: Kisha tmerr se do të zbulohej në internet

22:11 29/07/26

Mbrëmjen e kaluar Guljelm Rodoja në një deklaratë të tij ju drejtua artistit të nderuar, Robert Ndrenika duke e quajtur të shitur, pasi ai është pro prishjes së teatrit.

Lidhur me këtë deklaratë të aktorit, Ndrenika ka treguar për gazetën “Panorama” se kjo nuk është aspak e vërtetë dhe veç të tjerave shtoi se nuk është mirë me shëndetin.

“Të më falni, por nuk jam mirë me shëndet. Nuk jam mirë. Unë kam bërë disa deklarata më parë, ja merrni ato. Sot e kishin shkruar në një gazetë njërën. Mendon se jam shitur?! Epo mirë, le të mendojë ashtu. Por a mund të më thotë se me se jam shitur?! E pra, kam marrë para. I thoni që kam marrë nja 200 mijë euro”, thotë me ironi Ndrenika.

Aktori që në fillim ka mbajtur qëndrim pro prishjes së teatrit, pasi mendon se brezi i ri ka nevojë për një teatër të ri urgjentisht.