Pak javë më parë teksa ishte e ftuar në emisionin e Luana Vjollcës “Shiko Kush Luan”, aktorja e njohur Monika Lubonja u shpreh se Olta Daku është aktore e mbivlerësuar.
Deklarata e saj bëri xhiron e rrjetit dhe ndërkohë që të gjithë prisnin një përgjigje, nuk erdhi asnjë reagim nga Olta Daku.
Së fundmi dy aktoret janë ballafaquar me njëra-tjetrën dhe nëse mendoni se ka hatërmbetje mes tyre, e keni gabim!
“News 31” ka siguruar foto të Monikës dhe Oltës në shoqërinë e njëra-tjetrës, në njërin prej restoranteve të Tiranës.
Burimet kanë treguar se ato janë parë duke biseduar dhe ishin në humor mjaft të mirë. Madje, aktoret kanë shkrepur edhe disa foto së bashku.
Duket se Lubonja e ka sqaruar deklaratën e saj dhe ka marrë mirëkuptimin e Oltës, ndaj dy aktoret kanë vendosur ta nisin vitin pa hatërmbetje.
Së fundmi, në një intervistë për “E diell”, Monika Lubonja rrëfeu një moment tepër të vështirë të jetës së saj.
Aktorja tregoi se gjatë kohës kur studionte, u dashurua me një djalë dhe mbeti shtatzënë.
Mirëpo, për të ishte shumë i rëndë fakti që ishte shtatzënë, por jo e martuar dhe i frikësohej gjykimit të shoqërisë.
”Njerëzit më thonin: E tmerrshme, si të ndodhi ty kjo. Në atë periudhë kisha në plan të parë të bëja filma, teatër, se sa kisha filluar të luaja. E kështu, më fal o Zot, por mora vendimin që ta abortoja vajzën”- tregoi Lubonja.
Mirëpo, ajo që e kishte ndaluar këtë veprim ishte mamaja e Monikës.
”Mami im duke qenë mjeke, e sinjalizojnë për këtë që unë doja të bëja dhe ragimi i saj ishte: Të merr, s’të merr, do të të dalim ne për zot dhe ti vajzën nuk do ta abortosh kurrë.”- ka vazhduar aktorja.
Sot, Lubonja shprehet e lumtur që nuk e mori atë vendim.
