Ditën e djeshme, aktori i njohur i humorit, Agron Llakaj, e quajti banal emisionin e juristes Eni Çobani në TV Klan.
Sipas Llakajt, në qoftë se ka një pjesë banale te Ardit Gjebrea është pikërisht gjyqi i Eni Çobanit. Si të tillë Agroni tha se e ka marrë gjetje për të demaskuar këtë lloj gjyqi, përmes imitimit që ai i bën në emisionin “Al Pazar”.
Pas kësaj deklarate, juristja e njohur e “Të dielës shqiptare” nuk mund të qëndronte pa reaguar. Ajo ka publikuar në rrjete sociale një foto duke parë telefonin dhe krahas saj ka shkruar:
“Të jesh i lirë është e drejtë themelore e çdo kujt që vjen në jetë, por të jetosh dhe të flasësh si njeri i lirë është virtyt dhe vlerë”.
Gjithçka ndodhi pasi Eni nuk ishte dakord me imitimin që Agroni i bënte në “Al Pazar”.
Në emisionin që transmetohet në Vizion Plus, Agron Llakaj ka pasur një pjesë të titulluar “Në gjyq me Lirën”, ku dukej qartazi se imitonte juristen.
Çobani nuk e fshehu dot indinjatën dhe pakënaqësinë që ajo ka ndaj këtij imitimi, i cili, siç thotë ajo i ka shpërfytyruar figurën e saj.
