Selena Gomez dhe Demi Lovato janë njohur kur ishin vetëm shtatë vjeç, pasi dy vajzat ishin aktore dhe këngëtare për “Disney”. Edhe përse angazhimet profesionale i mbajnë larg, ato mundohen të komunikojnë sa më shpesh me njëra-tjetrën. Por kur Demi Lovato përfundoi në spital si pasojë e overdozës, Selena Gomez nuk reagoi aspak për rrjetet sociale. Ndaj kjo ngriti dyshimet se mes dy vajzave shoqëria kishte përfunduar. Në një intervistë për revistën “Elle”, Selena ka treguar për herë të parë se përse qëndroi në heshjtje. Mes lotësh dhe me zërin që i dridhej, ajo rrëfeu se ishte periudha më e vështirë për të.
“E kam vuajtur shumë me veten sepse ishte shumë e vështirë. Nuk doja të flisja për mediat apo fansat për të, por t’i qëndroja personalisht pranë. Oh, sa e vështirë ishte. E dua shumë. Njihemi që kur ishim shtatë vjeç.” – tregoi Gomez për revistën.
Me 24 korrik, Demi Lovato u dërgua me urgjencë në spital si pasojë e overdozës me heroinë. Ajo qëndroi më shumë se një javë në spital dhe menjëherë pas saj u dërgua në qëndër rehabilitimi. Një burim për revistën “People” tregon se Demi po e rimer veten dhe është shumë mirë.
