Nëse ka diçka që Aulona Musta nuk përton ta bëjë është të shpreh mendimin e saj mbi çështje të caktuara.
Herë kur i kërkohet dhe herë e krijon vetë mundësinë që ta bëjë këtë gjë. Si në këtë rast ku ajo ka hapur një “ask me a question” ku iu kërkon ndjekësve t’i shkruajnë një temë që duan ata që ajo mund të shpreh mendimin e saj.
Një nga ndjekësit ka dashur të dijë mendimin e Aulonës në lidhje me jurinë e “Dancing With The Stars”.
Vetë e kërkoi dhe sigurisht që moderatorja i është përgjigjur kësaj pyetje:
“Të jesh në juri nuk është asnjëherë e lehtë. Gjithmonë do të ketë njerëz që nuk do të jenë dakort me mendimet dhe gjykimet e jurisë. Edhe unë në shumë raste nuk kam qenë. Por, edhe këtë histerizmin e publikut a thua se juria ka në dorë fatet e Shqipërisë nuk e kuptoj asnjëherë.”
Më herët kujtojmë që Aulona ka reaguar pas deklaratës së Shota Baraliut, ku shprehej se vihej në siklet nga vajzat të cilat nuk mbanin recipeta brenda shtëpisë së “BBVK”. Pas deklaratës së saj ajo ka postuar në Instagram një foto të Baraliut ku duket topless.
“E morët vesh? Shota e ka problem faktin që vajzat veshin kanatjere pa reçipeta poshtë, sepse vihet në siklet. Shota është kjo, dmth,”-shkruante përbri fotos Aulona.
