Një 19-vjeçar ka humbur jetën si pasojë e një aksidenti që ndodhi sot në orët e para të mëngjesit në autostradën Tiranë-Durrës.
Ngjarja e rëndë ka ndodhur në Vorë, ku dyshohet se si pasojë e përplasjes i riu me iniciale K. H., ka humbur jetën.
Si pasojë e përplasjes kanë mbetur të plagosur drejtuesi i një prej automjeteve me iniciale D.R., dhe pasagjeri F. Xh., të cilët janë dërguar në spital, ku kanë marrë edhe ndihmën e parë mjekësore.
Nga përplasja e fortë një prej makinave të aksidentuara ka përfunduar në kanal.
Ende nuk dihen shkaqet dhe rrethanat e aksidentit. Policia po vijon hetimet për të zbardhur shkaqet dhe rrethanat e aksidentit.
