Sado t’i jetë rritur fëmija, një nënë do të mbetet gjithmonë një nënë dhe do të vazhdojë të bëjë “detyrën” e saj.
Kështu, edhe Albërije Hadërgjonaj ende e ushtron rolin e mamasë së rreptë kur vjen puna tek vajza e saj, Anxhelina.
Kjo e fundit “u ankua” në Instagram me një postim epik për marrëdhënien mes nënave dhe fëmijëve.
“Problemet e mia me besimin filluan kur mamaja më thonte: ‘Hajde këtu, nuk do të të godas'”- shkruhej në foton ku Anxhelina kishte etiketuar të ëmën duke i thënë “Të dua gjithsesi”.
Albërija e ka ripostuar foton e saj, duke shtuar edhe një detaj që na shkriu së qeshuri.
Këngëtarja pranoi troç se ende ia jep ndonjë shuplakë të bijës kur është nevoja.
“Ahhh besa, hala ta kërcas nga iher”- ka treguar Albërija duke qeshur.
Albërija dhe Anxhelina kanë treguar gjithmonë se kanë një marrëdhënie tepër të ngushtë me njëra-tjetrën dhe të mos i njihnim, do t’i merrnim për shoqe dhe jo për nënë e bijë.
