King Valentino Corleone i cili njihet në rrjetet sociale me nofkën Vali Corleone, u plagos në muajn gusht me armë zjarri.
Nga ajo kohë, gjykata e Gjilanit vendosi masën arrest me burg për Anita Sylën, 22-vjeçaren e cila qëlloi me armë Corleonen në banesën ku dyshja bashkëjetonin prej kohësh.
Gjykata Themelore në Gjilan më herët caktoi masën e paraburgimit me 30 ditë për Sylën. Së fundmi është zhvilluar seanca e rradhës, ku përmes avokatit të saj Ramadan Leka, Anita ka pranuar fajësinë për të tri veprat penale me të cilat e ngarkonte akuza.
Gjykata gjatë seancës së fundit ka vendosur masën gjobë 1 mijë euro, për akuzën se nën ndikimin e substancave narkotike, e kishte plagosur të dëmtuarin Princ Valentino Corleone, duke i shkaktuar lëndime të lehta trupore. Kushti është që kjo shumë duhet të paguhet në një afat prej 30 ditësh. Nëse jo, dënimi me gjobë zëvendësohet në dënim me burgim prej 50 ditësh.
E akuzuara dhe i dëmtuari Princ Valentino Corleone, gjatë dëshmive të tyre para trupit gjykues, kanë deklaruar se ngjarja kishte ndodhur në mënyrë aksidentale dhe pa paramendim për të shkaktuar rrezik për të pranishmit dhe se e njëjta kishte ardhur si pasojë e ndikimit të substancave narkotike.
Kujtojmë që e akuzuara në fjalë e konsideronte veten si “Vajza e Corleones” duke u bërë shpeshherë pjesë e showbizit.
