Avokati Ravik Gurra i cili ushtronte profesionin e tij prej 10 vitesh, para pak ditësh është qëlluar me dy plumba në kokë, teksa ishte duke konsumuar një kafe në një lokal në Elbasan.
Sipas raportimeve, 50-vjeçari është ekzekutuar nga një person i maskuar me kapele, e cili për kryerjen e aktit të rëndë ka përdorur pistoletë me silenciator.
Por si ndodhi ekzaktësisht ngjarja?
Së fundmi është zbuluar se atentatori i është afruar Gurrës, pa tërhequr vëmendjen e publikut, e ka përshëndetur atë me dorë, dhe më pas e ka qëlluar.
Autori është kapur nga kamerat e sigurisë gjatë kryerjes së aktit makabër, mirëpo Policia dhe Prokuroria nuk kanë mundur ende të bëjnë identifikimin e tij.
Rikujtojmë se viktima ishte baba i dy fëmijëve dhe gjatë ushtrimit të profesionit është kujdesur për dy çështje të rëndësishme dhe shumë të përfolura. Konkretisht, për atë të fisit Çapja në Elbasan dhe të Emiljano Shullazit në Tiranë. /Panorama
