Andrey Shabarin, personazh i njohur i një reality show në Rusi sulmoi të dashurën Rozalia Raison gjatë spektaklit ‘Dom 2’ pasi ajo pranoi se e kishte përqafuar një fans.
Në videon e publikuar nga “Daily Mail” ai shihet duke sulmuar dhe duke ia shkulur flokët 21-vjeçares në mënyrë të përsëritur, ndërsa dy persona të tjerë që ndodheshin aty përpiqeshin me dëshpërim për ta ndalur.
Gjithçka nisi pasi dikush e pyeti Rozalian: “Të prekën ata burrat?”
“Epo në një farë mënyre më përqafuan”, ia ktheu ajo para se i dashuri t’i sulej furishëm.
Ky moment shokues i ka tronditur të gjithë shikuesit.
Në shfaqje, garuesit duhet të ndërtojnë një shtëpi dhe gjatë kësaj kohe përpiqen të gjejnë një partner. Më pas ata duhet të konkurrojnë për të mbajtur për vete shtëpinë.
