Luana Vjollca është një ndër vajzat më të bukura të showbiz-it dhe një ndër moderatoret më të suksesshme.
Për këtë arsye, ajo numëron shumë fansa, të cilët për fat të keq edhe e përndjekin saqë kthehen edhe në bezdisje të madhe.
Moderatorja e njohur është përballur sërish me fansat e saj të çmendur. Që prej 3 muajsh, Luana është përndjekur këmba-këmbës nga i riu 28-vjeçar nga Kosova.
“BalkanWeb” ka bërë me dije se i riu i identifikuar si A. Morina që prej shkurtit dhe deri para pak ditësh e ka përndjekur moderatoren në ambientet e punës në televizion dhe në banesën e saj private në zonën e Kodrës së Diellit duke tentuar pa reshtur që të komunikojë me të.
Mësohet se Luana Vjollca e ka denoncuar në polici fansin e saj. Ajo i është drejtuar komisariatit nr. 1 duke bërë kallëzim, por policia ende nuk ka mundur ta gjejë dhe shoqërojë të riun.
Vlen të rikutjojmë se nuk është hera e parë që Luana gjendet në këto situata.
Para 3 vitesh një fans e ka ndjekur gati për 1 vit. Gjendja agravoi në atë pikë, sa ai u përplas me të dashurin e saj Krenar Çoçajn, pasi ky i fundit i erdhi në ndihmë moderatores.
Fansi i identifikuar si Besmir Lila u dënua me 6 muaj heqje lirie, por përfitoi ulje të një të tretës së dënimit nga gjykimi i shkurtuar. Ky ishte dhe rasti më ekstrem i serialit të djemve të fiksuar pas Luanës ndër vite.
