Artistja e njohur, Billie Eilish, ka ngritur një urdhër ndalimi kundër një burri, i cili dyshohet se e ka ngacmuar dhe kërcënuar atë me shënime dhe gjeste të frikshme afër shtëpisë së saj në Los Angeles për gjashtë muajt e fundit.
Ky i fundit e kishte frikësuar këngëtaren, duke e ndjekur vazhdimisht gjatë rrugës për në shtëpinë e saj në Los Angeles.
Prestigjozia “Daily Mail” shkruan se Eilish ka kërkuar së fundmi urdhër ndalimi kundër John Hearle, i cili ndër të tjera mësohet se është parë duke bërë kamping afër shtëpisë së Eilish.
Artistja 19-vjeçare ka deklaruar se është e shqetësuar nga ai, pasi përvec përndjekjes, ai i dërgon asaj edhe letra të çuditshme.
“Ti nuk mund të arrish atë çfarë dëshiron, derisa ajo çfarë dëshiron është të vdesësh për mua”, ka qenë njëri shkrim i John sipas Billie.
Artistja është shprehur se ndihet shumë në ankth sa herë që kthehet për në shtëpi, sepse e di që dikush është duke e përcjelllë gjatë gjithë rrugës.
Billie Eilish është shprehur se ajo frikësohet për veten dhe gjithashtu edhe për familjarët me të cilët jeton.
Mësohet se kërkesa e këngëtares ka qenë që John Hearle të qëndrojë të paktën një kilometër larg shtëpisë së saj.
