Inaugurimi i restaurimit të “Pazarit të Ri” ndodhi pikërisht Ditën e Verës dhe pjesë e tij u bënë dhjetëra njerëz.
Nëse ju munguat në festën apo koncertin e djeshëm, që u mbajt pikërisht në këtë zonë, atëherë mund të shikoni sot në mënyrë virtuale pamjen e re që i është dhënë “Pazarit të Ri”.
Tregtarëve të produkteve të ndryshme ushqimore u është dhënë një hapësirë më e strukturuar, për të shitur mallrat e tyre. Ndërkohë që gjelbërimi, rrugët e rregulluara dhe objektet zbukuruese i japin një pamje komplet tjetër nga ajo, që ishim mësuar të shihnim.
Tashmë, pse jo ndërkohë që bëni pazar, mund të qetësoheni në një prej lokalet ndodhur në këtë zonë me të afërmit.
