Ashtu siç bëri me reperin Drake, Jennifer Lopez ka shuar kureshtjen e të gjithëve për të ditur nëse ka diçka më tepër se miqësi me të dashurin e ri sportist.
Ajo i ka konfirmuar thashethemet duke i vënë vulën me postimin e një “selfie” me yllin e bejsbollit Alex Rodriguez. Çifti shijoi disa ditë pushimi në Bahamas. Në foto duket se ata janë shtrirë së bashku dhe Alex ka vënë dorën në kokën e këngëtares për ta ledhatuar.
47-vjeçarja e mbajti postimin vetëm për disa sekonda, por kjo gjë nuk i shpëtoi ndjekësve të saj, të cilët filluan menjëherë të komentonin për këtë marrëdhënie të re.
