Nata e dytë e Eurovizionit solli mjaft surpriza por ajo që ra në sy më shumë ishte performanca e Achille Lauro i cili përfaqësonte shtetin e San Marinos.
Gjatë performancës shpërthyese në gjysmëfinalen e Eurovizionit 2022, pati shumë energji, fishekzjarre që dilnin nga kitarat dhe një puthje “historike” mes dy meshkujsh. Këngëtari 31-vjeçar, emri i vërtetë i tv cilit është Lauro De Marinis, kishte bërë dhe një zgjedhje interesante të veshjes së tij e cila zbulonte shumë.
Duke përfaqësuar San Marinon me këngën e tij “Stripper”, Achille hipi mbi një bronko të përkulur gjatë gjithë kohës duke kënduar drejtpërdrejt ndërsa fishekzjarrët mbetën të ndezura rreth tij, por momenti që bëri bujë ishte kur Achille iu afrua dhe puthi kitaristin e tij.
Menjëherë pas performancës vërshuan komentet duke vënë në dukje që kjo ishte puthja e parë homoseksuale në Eurovizion dhe se kjo përbën një moment historik.
Mesa duket kjo performancë nuk paska qenë mjaftueshëm provokative për Eurovizionin, ndryshe nga ajo e Ronelës, e cila u cilësua si e tillë nga EBU dhe shkaktoi mjaft trazira pas fshirjes së fotove nga faqja zyrtare.
“E vërteta është që fotoja u zëvendësua. Pastaj patëm një komunikim të vogël, por pasi u rishikuan gjithë gjërat, performanca është tepër normale. Është show në fund të ditës. Më s’do ndryshohet asgjë, thjesht do bëhet më bukur”,– pati thënë vetë Ronela.
https://youtu.be/vCmX64N_sXM
