Aktorja Olta Gixhari po shijon prej 8 muajsh pritjen e ëmbël, teksa pret me padurim që bebushi i saj të vijë në jetë.
Lajmin e bukur të shtatzënisë ajo na e dha vetëm së fundmi, ndërsa tashmë nuk i kursen fotot me barkun e rrumbullakosur në rrjete sociale.
Olta po kalon ditët më të bukura të jetës së saj me bebushin në bark, gjininë e të cilit ende nuk e ka zbuluar!
Madje, 34-vjetori e gjeti atë shtatzënë, duke i dhuruar një prej eksperiencave më të bukura që ka provuar në jetë.
Prej kohësh aktorja ndjehet në qiellin e shtatë, madje edhe kur e kemi parë në ekran e s’kemi ditur gjë!
Katër muaj më parë, Olta ishte e ftuara e emisionit “Në Kurthin e Piter Pan”, ku zhvilloi një intervistë të gjatë me fëmijët.
Siç tregoi ajo vetë, asokohe ishte shtatzënë, por e paska fshehur mirë këtë fakt!
“Në këtë intervistë isha në muajin e katërt të shtatzënisë, po nuk dukesha”- shkruan Olta krahas videos së shkëputur nga emisioni.
Olta vazhdon të mbajë të fshehtë identitetin e partnerit të saj, mirëpo nuk ngurron të na tregojë surprizat super romantike që ai i bën, siç ishte surpriza e ditëlindjes. (Lexo këtu)
