Gjesti i shqiponjës i bërë nga Xherdan Shaqiri dhe Granit Xhaka në ndeshjen Zvicër-Serbi, ka marrë famë anembanë botës, madje edhe në radhët e aktorëve të njohur të Hollivudit.
Jean Claude Van Dam, i cili ka mbërritur ditën e djeshme në Tiranë bashkë me kolegun e tij Mel Gibson, për të xhiruar një film aksion në vendin tonë, ka publikuar një foto ditën e djeshme në Instagram, ku shfaqet duke bërë shqiponjën me duar.
Përmes këtij gjesti ai ka falenderuar futbollistin me origjinë shqiptare Adnan Januzaj i cili në ndeshjen e pak ditëve më parë me Anglinë nxorri fituese Belgjikën.
“Një falënderim i madh për Adnan Januzaj i cili shënoi golin e fitores dje në Botëror për Belgjikën”, ka shkruar aktori me prejardhje nga Belgjika.
