Ditën e sotme, policia italiane ka bërë me dije njoftimin e kapjes së një organizate kriminale, për shkak se merrej me shitje të lëndëve narkotike. Kjo organizatë kriminale u tha se përbëhej nga 13 persona, të cilët ishin italianë por edhe shqiptarë.
Krah emrave të këtyre 13 personave të dyshuar, ajo që ka bërë më shumë përshtypje ka qenë edhe emri i këngëtares së njohur 40 vjeçare shqiptare, Elsa Lila, roli i së cilës ende nuk dihet në këtë organizatë kriminale.
Ndërkohë, është publikuar se ka qenë i përfshirë edhe boksieri Petrit Bardhi, i cili njihej me pseudonomin “Titty”.Ai ishte i përfshirë në një operacion të Gico della Guardia di Finanza në korrik të vitit 2015.
Ndërsa Arben Zogu, i njohur me psudonomin “Riccardino” ishte nën porositë nga Fabrizio Diabolik Piscitelli.
Rikujtojmë se Elsa Lila është një figurë shumë e njohur për publikun shqiptar. Ajo ka kultivuar muzikën shqipe dhe italiane me elementet arbëreshe.
Ajo kishte treguar talentet e saj të këndimit dhe aktrimit që kur ishte fëmijë në emisionet televizive shtetërore shqiptare dhe fitoi konkursin kombëtar të këngëve shqiptare 2 vjet me rradhë ndërsa ishte në vitet e adoleshencës
Ajo debutoi për herë të parë në festivalin më të madh të këngës italiane, Sanremo, në vitin 2003, ndërkohë që mori pjesë përsëri në Festivalin e Sanremos 2007.
