Protesta e dhunshme e opozitës ditën e djeshme përhapi panik mes qytetarëve. Ndërsa një video e filmuar pas përfundimit të seancës plenare në Kuvend që publikohet sot, tregon se deri ku mund të shkojnë veprimet e militantëve të opozitës.
Në pamjet e xhiruara me një celular dallohet momenti kur dy deputete socialiste, Evis Kushi dhe Antoneta Dhima, kërcënohen nga militantët.
Ngjarja u regjistrua në momentin kur deputetet u larguan nga salla e Kuvendit, ndërsa shihet se militantët nisin t’i fyejnë dhe t’i kërcënojnë, madje njëri prej tyre tenton edhe t’u afrohet.
Dy deputetet u larguan me vrap, ndërkohë që një person nga “shërbimi” i PD-së ndalon protestuesit dhe u thotë se duhet t’i lënë pasi janë gra.
Kujtojmë se përpara nisjes së seancës plenare në Kuvend u sulmuan nga protestuesit ministri i Turizmit, Blendi Klosi, si dhe dy deputetët Paulin Stërkaj dhe Sadri Abazi.
Që në fillim të protestës në orën 17:00 të së martës protestuesit reaguan në mënyrë të dhunshme, duke kanë hedhur ujë, kapsolla dhe bidona të mbushur me benzinë në drejtim të policisë.
