Një surprizë shumë emocionuese e zuri të papërgatitur Fatma Methasanin sot gjatë emisionit të saj “Fun Day”.Në 5-vjetorin e emisionit të saj, stafi i “IN Tv” mendoi t’ia urojë përmes një videoje ku kishin përmbledhur disa nga momentet më të veçanta nga emisioni i cili nisi në 2014-ën.
Fatma u përlot teksa shikonte pamjet e vetes së saj 5 vite më parë, kur ende e panjohur për publikun shqiptar nisi një emision në një televizion krejt të ri siç ishte asokohe “MAD Tv” që më pas u kthye në “IN Tv” që vijon ende sot me disa nga programet më të njohura për të rinjtë.
“Nuk më pëlqen ta shikoj veten. Mendoj se kam qenë shumë më e shëmtuar se ç’jam tani. Mos më tregoni kështu gjërash se qaj.”, tha Fatma e përlotur.
Bleona Qereti, Enca, Alban Skënderaj, Genta Ismaili, Jonida Maliqi, kanë qenë vetëm disa nga të ftuarit e emisionit “Fun Day” në këto 5 vite.
