Loredana Zefi foli të premten pasdite për akuzat për mashtrim dhe zhvatje të parave ndaj një shtetaseje zvicerane (lexo këtu).
Duke folur për çështjen Loredana tha se të gjitha paratë e dhëna nga Petra Z., u dhanë vullnetarisht dhe se nuk pati kërcënime apo detyrime. Reperja tha se në të vërtetë kjo është një çështje që u takon vëllezërve të saj:
Loredana u shpreh sot se është e lumtur dhe nuk i interesojnë fare paratë. Pas deklaratës së saj reagoi sërish Petra Z., për portalin “20min.ch”.
“Më vjen mirë që ajo është e lumtur me paratë e mia. Unë jam e trishtuar”, u shpreh ajo.
Zvicerania shtoi se kur pa të qeshurën e Loredanës nuk mundi të shihte më tej.
“Ajo e ka humbur njerëzimin”, deklaroi Petra duke thënë se shpreson që buzëqeshja e saj të kalojë.
“Ajo më terrorizonte mua dhe bashkëshortin tim, më bënte presion në telefon”.
Shtetësja zvicerane u shpreh e tronditur që gjykata e kishte lejuar reperen të udhëtonte jashtë vendit. Ajo shpreson tani që çifti të kthehet në Zvicër me paratë e saj – shumën e plotë, jo vetëm 350.000 franga zvicerane të ofruara nga avokati.
