Këngëtarja e njohur e viteve ’90, Mira Konçi festoi dje ditëlindjen. Ajo që e bëri këtë ditë të paharrueshme , për artisten ishte urimi i vajzës së saj Erës, e cila prej disa kohësh jeton në SHBA, ku dhe vazhdon studimet.
Në fjalët kushtuar të ëmës, Era ka derdhur gjithë dashurinë e marrë këto vite, duke u shprehur mirënjohëse për mami Mirën.
“Mami im, shpirti im, gëzuar ditëlindjen! Të uroj edhe 500 vite të tjera, të lumtura, të mbushura plot dashuri, fat, e mbarësi. Unë kam qenë përherë shumë e bekuar, por një ndër bekimet më të mëdha ka qenë fakti që të kam ty si mama (faleminderit Nadire Konçi për pasurinë që solle në jetë).
Faleminderit për punën tënde të palodhur e përkushtimin e pamasë në punën më të vështirë: të qenurit mami. Je e rrallë, veçanërisht për dashurinë e respektin, me të cilin ti trajton çdo njeri rreth vetes, për aftësinë që ti ke për të bërë çdo njeri të ndihet mirë dhe dëshirën për t’i ndihmuar të gjithë. Faleminderit që më dëgjon mua (dhe budallallëqet e mia të pafundme) me durim dhe që më ofron gjithmonë këshilla të vyera, të shoqëruar me dashuri kaq të madhe. Faleminderit edhe që më kujton përherë t’i marr çështjet e jetës më me qetësi dhe që më drejton të ndjek një jetë spontane e të bukur.
Je shumë e bukur dhe e mrekullueshme, në çdo aspekt, shoqja ime, motra ime! Të dua shumë shumë shumë!”, ka shkruar Era Saraçi, vajza e çiftit të artistëve Mira Konçi dhe Shpëtim Saraçi.
Nuk ka vonuar pas këtij urimi prekës edhe përgjigja e këngëtares.
“Uaaaa çfarë surprize e vogla ime ti! Mrekullia ime, thesari im, frymëzimi im, motivi im, jeta ime, eleganca ime! Faleminderit ZOT për dhuratën më të bukur në botë, Erën time! Qofsh e lumtur TI drita e syve të mi, sepse atëherë unë jam super nënë!”, shkruan Mira Konçi për vajzën e saj.
Tamara’s my personal photographer.. That’s when you know that what we have is real
A post shared by Era Saraci 苏若琦 (@ersaraci) on
A post shared by Era Saraci 苏若琦 (@ersaraci) on
