Vajza e kushëririt të presidentit të vendit, Bujar Nishani, e cila mban dhe të njëjtin mbiemër, po zhvillon karrierën e saj si modele në Itali.
Në 2013-ën, Beniada Nishani u shpall më e bukura e Ravenna-s, qytetit ku ajo jeton në Itali. Së shpejti, do të shfaqet në kalendarin hot të fotografit Enrico Ricciardi, një prej më të njohurve në Itali. Kalendari do të publikohet në Miami, dhe shfaq foto shumë sensuale të modeles shqiptare, me temën “12 muajt e vitit mes ushqimit dhe erotizmit”.
Në një intervistë për “Story”, modelja tha se në Itali do të njihet me emrin Beniada Jakic, duke marrë mbiemrin e nënës së saj.
Ajo synon të bëhet e njohur në botën e spektaklit në Itali, dhe ka qenë pjesë e disa prej tyre. Vjet, prezantoi një pjesë të “Le Iene” bashkë me Naida Toffa-n, Matteo Viviani-n dhe Giulio Golia-n.
25-vjeçarja ka jetuar vetëm dy vite në Shqipëri, sepse më pas bashkë me familjen u shpërngulën në Itali. Beniada ka pozuar për shumë sete fotografike, mes tyre edhe ky për Alberto Buzzanka-n.
