Babai i tij është i njohur për marrëdhëniet me femrat. Megjithatë, Patrick Schwarzenegger nuk mbetet pas në këtë drejtim pasi u fotografua duke i dhuruar një puthje shumë pasionante të dashurës së tij Abby, gjatë një shëtitje në Los Anxhelos të hënën.
I biri i aktorit të “Terminator”, Arnold Schwarzenegger, dukej mjaft në formë i veshur sportiv bashkë me modelen bionde, në zonën e Santa Monica. Ai kishte veshur një T-shirt gri dhe një palë pantallona të shkurtra sportive. Paraqitjes së tij nuk i mungonte edhe një kapele bejsbolli.
Modelja Abby Champion ishte kombinuar me Patrick duke zgjedhur të njëjtën ngjyrë gri. 23-vjeçarja, ditëlindja e së cilës ishte të dielën, ndihej mjaft mirë pranë partnerit të saj teksa ai e mbante afër duke i hedhur krahun në qafë.
