Për të gjithë ata që nuk e kanë provuar, fama është ëndrra më e madhe.
Megjithatë duket se ata të cilët kanë arritur të kapin majat me dorën, nëse do të ktheheshin mbrapsht do të preferonin të ishin njerëz të thjeshtë.
Nuk janë të paktë personazhet e njohur, të cilët në deklarata të ndryshme janë shprehur se fama i lodh.
I fundit është këngëtari i suksesshëm Ed Sheeran.
Në një intervistë të dhënë së fundmi për “The Sun” artisti është shprehur se fama po e bën të ndihet si kafshë.
“Unë e kam ngushtuar rrethin tim miqësor në 4 persona, pasi e kam shumë të vështirë t’u besoj njerëzve në këtë situatë ku jetoj. Më duket vetja si kafshët. Nëse ha në restorant duhet patjetër të marr një dhomë private, përndryshe njerëzit do më filmojnë teksa ha dhe është shumë gjë e shëmtuar. Fama më shkakton ankth”, ka rrëfyer këngëtari.
Ed Sheeran prej vitesh është ndër artistët më të vlerësuar dhe gjithmonë ka lënë të kuptohet se nuk e dëshiron aspak famën.
Artisi dëshiron të vlerësohet për talentin e tij dhe jetën personale është munduar ta fshehë gjithmonë.
