Dafina Zeqiri prej disa kohësh është vendosur në SHBA, ku po punon për të qenë pjesë e tregut ndërkombëtar. Këngëtarja shqiptare në përditshmërinë e saj në Amerikë haset me situata të ndryshe dhe së fundmi ajo ka treguar një rast shumë prekës që i ka ndodhur gjatë një udhëtimi me tren.
Nëpërmjet disa postimeve në Instastory Dafina ka ndarë me ndjekësit e saj gjestin prekës që ka bërë për një burrë të pastrehë që udhëtonte bashkë me të në tren. Ajo është prekur nga prania e tij dhe i ka dhuruar atij kartën e metrosë me të cilën mund të udhëtojë një muaj falas.
“Ai na bëri të qajmë dhe unë i dhurova kartën time të metrosë me të cilën mund të udhëtojë për një muaj falas. Dashuroni dhe dhuroni kur të mundeni. Zoti do t’jua shpërblejë”, shkruan Dafina sipër fotos së postuar në Instastory.
Këngëtarja shqiptare e ka ndihmuar këtë person të varfër pa e ditur se kush ishte ai në të vërtetë. Por më pas ajo ka zbuluar që ai ishte një personazh shumë i njohur i showbiz-it.
“E gjeta”, shkruan Dafina në një postim të dytë në Instastory.
Bëhet fjalë për këngëtarin e grupit “Rat Pack’s”, Tommy Celli, i cili nga një personazh i njohur është shndërruar në një lypës që jeton në kushte të vështira jetësore.
