Të shtunën mediat flisnin vetëm për ta. Sofia Richie dhe Scott Disick tashmë janë ndarë dhe dyshja janë zyrtarisht beqarë.
Ndërkohë që mediat ziejnë për ta, disa detaje të reja kanë dalë në dritë në lidhje me arsyen që e çoi çiftin të ndahej. Ka qenë modelja adoleshente që i ka dhënë fund lidhjes pas tradhtisë së Scott dhe jetës së shfrenuar të natës që bënte ai.
“Ajo nuk mund të duronte dot më. Ai feston gjithë natën, pastaj ka ditë të mira, ulje-ngritje, por kjo sjellje është shumë helmuese”.
35-vjeçari u fotografua në festën e Kanye West të enjten, ku thuhet se u tha të ftuarve se tashmë është beqar. Ai madje u pa t’i afrohej edhe një femre misterioze, sipas TMZ. Njerëz dëshmuan për mediat se Scott kishte pirë shumë.
Një burim tjetër tha për E!News se ndarja ndodhi pikërisht pas festës së të enjtes, kur Sofia kishte parë fotografitë e të dashurit me një tjetër.
Megjithatë nuk përjashtohet mundësia që çifti të rikthehet bashkë dhe madje Scott është i të njëjtit mendim.
Ai beson se Sofia mund të ndryshojë mendje dhe të kthehet sërish, pot fshirja e të gjitha fotove me të nga Instagrami, nuk është shenjë e mirë.
Scott është baba i 3 fëmijëve nga marrëdhënia e tij 9-vjeçare me Kourtney Kardashian. Ndërsa lidhja me Sofia-n thuhet se ka nisur nga maji i vitit të kaluar.
