Ata kanë qenë miq për vite me radhë dhe u përfol se kishin pasur edhe një lidhje gati 8 vjet më parë.
Por Sofia Richie dhe shoku i saj Jaden Smith u bashkuan për një ditë argëtuese në plazh në Los Angeles të shtunën dhe nxitën sërish thashethemet.
Modelja dhe reperi, të dy 22 vjeç, shkuan më pas në restorantin japonez Nobu në Malibu për një takim të dyfishtë me mikun e tyre Moisés Arias dhe të dashurën e tij.
Sofia dukej mjaft e buzëqeshur dhe në humor të mirë pas ndarjes nga Scott Disick, 37 vjeç. Ajo kishte veshur bikini ngjyrë rozë që i rrinin perfekt në trupin e saj të tonifikuar.
Jaden ishte kombinuar me të me një palë rroba banjo në të njëjtën ngjyrë. Të dy kaluan “gjithë ditën dhe gjithë natën” së bashku tha një burim i E!News te dielën. Ata e kaluan pasditen duke luajtur në plazh së bashku me miqtë.
Sofia dhe Jaden kanë një histori romantike që nga viti 2012. Të dy filluan të dilnin në nëntor të atij viti, kur ishin vetëm 14 vjeç, por marrëdhënia u shkëput nga fillimi i vitit 2013.
Pas ndarjes së tyre, reperi thuhet se doli me Kylie Jenner, 23 vjeç, dhe ai madje e prezantoi atë me shoqen e saj më të mirë, Jordyn Woods.
Sofia së fundmi i dha fund marrëdhënies së saj me të dashurin Scott Disick.
Marrëdhënia përfundoi pas “vizitës” së shkurtër të yllit Keeping Up With The Kardashians në një qendër rehabilitimi në maj.
Më pas u përfol se ishin ribashkuar në korrik dhe u panë duke kaluar Ditën e Pavarësisë së bashku, por u raportua se ishin ndarë përsëri nga mesi i gushtit.
Që atëherë, Scott ka kaluar më shumë kohë me Kourtney-n dhe fëmijët, megjithëse nuk po përpiqet të rifillojë një marrëdhënie me ish-partneren e tij.
