Deklarata e Armina Mevanit se Sali Berisha e meriton t’i lahen këmbët me flori, nuk u prit shumë mirë nga disa persona. Dhe një prej tyre duket se ka qenë edhe gazetarja Iva Tiço.
Blogerja shqiptare dhe partnerja e Shkëlzen Berishës u pyet gjatë emisionit “Në kurthin e Piter Panit” për marrëdhënien e saj me vjehrrin dhe vjehrrën.
Më ngacmuese ishte aktorja Rudina Dembacaj, e cila e pyeti “si ia lanë këmbët, si nuse që është”.
Përgjigja e Arminës: “Ai e meriton t’ia lash me flori”, duket se ka irrituar Tiçon.
“E si mund të mos meritojë t’i lahen me këmbët me flori?! Kujtdo që do ia ndryshonte jetën dhe do ta kthente nga një adoleshente normale, me një jetë fare mesatare, në një grua që jeton në një rezidencë me vila private jashtë Tiranës, që ka një biznes në mes të Bllokut, që bën pushime ëndrrash, që në çdo dalje publike ka së paku 4 mijë euro veshje në trup, do t’ia lante me flori e shkuar floririt. Dhe turp e jazëk i qoftë po të mos e bënte”, shkruan gazetarja për Tirana Post.
