Teksa të prekurit nga Covid-19 po rriten dita ditës në Shqipëri, vendi është izoluar dhe thuajse çdokush është mbyllur në shtëpinë e tij për t’i shpëtuar epidemisë.
Këto ditë izolimi, moderatorja Fatma Methasani dhe partneri i saj, Alfio Rrotani, janë “arratisur” së bashku me familjarët në fshatin e origjinës së Alfios, në Shkodër.
Herë pas here në llogaritë e tyre në Instagram, Fatma dhe Alfio kanë treguar si po e përballojnë karantinën, të cilën duket se e kanë marrë me sportivitet.
Fatma po kalon ditët më të ëmbla të izolimit në shtëpi, teksa po shijon të gjithë kohën e mundshme me të voglin e saj, Noah.
Në InstaStory, moderatorja ka publikuar një foto me të birin në krahë, të cilin e përqafon dhe e puth me dashuri.
“Vdiqaaa”- shkruan Fatma krahas fotos së publikuar.
Ajo dhe Alfio u bënë prindër të vogëlushit Noah në fund të muajit janar dhe duket se prindërimi po i shijon shumë çiftit.
