Ajo është ndër të vetmet nga personazhet e njohur shqiptarë, që ndan me miqtë e rrjeteve sociale gjithçka nga jeta private. Këtë herë kishte vendosur që të mbante nga shtatzënia e dytë një sekret.
Emina Çunmulaj pret fëmijën e dytë dhe Ella Faria së shpejti do të bëhet motra e madhe, por modelja kishte vendosur të mos tregonte gjininë e foshnjës.
Për beben që do të vijë në jetë së shpejti kanë nisur edhe dhuratat e para, disa prej të cilave, ajo i ndan edhe virtualisht.
Ashtu si me Ella-n, Emina me siguri do të ndajë me ndjekësit e saj të gjitha detajet, ndryshe nga një pjesë e mirë e personazheve të njohur.
Në fotot dhe videot e fundit në “Instagram”, Emina shkruan se pavarësisht faktit që fëmija e dytë akoma nuk ka ardhur, ajo vendosi t’i hapte dhuratat. Por me këtë zbuloi pa dashje edhe gjininë. Modelja duket se pret vajzën e dytë.
Siç shihet në këto foto të ëmbla, ngjyra rozë, tipike vajzërore, është dominuese. Një palë këpucë rozë janë karamelet e para në adresë të Eminës, nga marka “Intuitiva”, nga Bosnja-Hercegovina.
Ndërsa një palë këpucë për vogëlushen, që do të vijë së shpejti në jetë, janë në ngjyrë neutrale, nude. Këpucët e tjera janë ngjyrë rozë dhe kjo nuk lë më vend për dyshime.
