Të gjithë e mbajmë mend balerinin italian Mirco Luccareli, i cili u dashurua me këngëtaren shqiptare, Soni Malaj, në prapaskenat e “Dancing With the Stars” dhe më pas u martuan pas përfundimit të spektaklit.
Pas disa viteve martesë, nga e cila erdhi në jetë edhe vogëlushja e tyre Anna, Soni dhe Mirko u divorcuan. E ndërsa këngëtarja e suksesshme tashmë po jeton romancën në krahët e një biznesmeni shqiptar, Mirko duket se nuk e ka harruar tërësisht Sonin.
Ai ka publikuar një video, ku ka përmbledhur disa nga eksperiencat e tij më të rëndësishme në jetë, duke nisur që nga shfaqjet si aktor në ekran, si këngëtar, e më pas si balerin. Në një nga sekuencat e videos së publikuar nga “INtv”, Mirko shihet teksa kërcen me ish-bashkëshorten e tij në “Dancing With the Stars”, me të cilën mban ende raporte të mira.
