Me siguri të gjithë i mbani mend daljet e para të Capital T.
Reperi në fillimet e karrierës shfaqej me disa kile më shumë dhe duhet thënë se nuk ishte aspak i palestruar.
Por me kalimin e viteve, ai ka bërë një ndryshim drastik dhe tani është një nga meshkujt me trupin më seksi shqiptar.
Por si ia doli?
Reperi ka treguar se një pjesë të mirë të kohës e kalon duke u ushtruar në palestër. Përveç kësaj, ditën e sotme ai ka zbuluar rutinën e tij stërvitore dhe dietën që ndjek për t’u kujdesur për trupin e tij.
“Zakonisht gjatë javës i ndaj ushtrimet, leg day 2 herë në javë dhe pjesën lart 3 herë dhe në fundjavë ose të shtunën e bëj një giant set si ky që përfshin ushtrimet bazë si bench press, squats, dealift etj. Mesin e javës të mërkurën dhe të dielën e bëj pushim, dieta është e thjeshtë larg sheqernave, ushqimeve të shpejta, brumrave, alkoolit, pijeve të gazuara e lëngjeve me shumë sheqer, si dhe larg ushqimeve të vogla në sasi po të mëdha në kalori gjithashtu e ndjek një orar i cili quhet intermittent fasting ku koha e ushqimit është brenda një periudhe 8 ore në ditë për shembull vakti i parë në 12:00 dhe i fundit 20:00”, ka shkruar Capital T.
Epo nëse dëshironi dhe ju një trup si reperi, bëni mirë t’ja vini veshin.
