Ledri Vula ka lançuar klipin e tij më të ri, një ditë pas publikimit të albumit të tij të fundit, duke e mbajtur premtimin për të na argëtuar disi në këto momente të vështira.
Reperi shqiptar ka punuar këto kohë me videon e këngës që titullohet 10/10 dhe vjen në një stil mjaft modern me tekst të vetë Ledrit.
Kënga ritmike është pjesë e albumit të ri të reperit që përfshin 15 këngë, ndër to edhe duete me emra të mëdhenj të skenës muzikore shqiptare.
Jo më larg se dje, Ledri mori vendimin për të publikuar më herët albumin e tij të ri muzikor, në mënyrë që të mundemi ta dëgjojmë në këtë periudhë plot ankth që po kalojmë me Koronavirusin.
Albumi do të duhej të dilte më 10 prill, por Ledri vendosi ta publikojë në mesnatë. Reperi shprehej se shumë shpejt do të vijë koha të jetojmë normalisht, dhe të përqafohemi me njëri-tjetrin.
Deri atëherë, le të dëgjojmë këngët e tij të reja!
