Ëndrra e të gjithë shqiptarëve për të prekur finalen e Botërorit u plotësua sot. Këngëtarja e njohur shqiptare, Era Istrefi performoi në finalen e Kupës së Botës bashkë me Will Smith dhe Nicky Jam dhe nuk kishte emocion më të madh.
Me ‘Live it up’ është çuar në këmbë i gjithë stadiumi, ndërsa do të zhvillohet ndeshja mes Francës dhe Kroacisë për ta fituar Kupën e botës.
E veshur e gjitha me një kostum në ngjyrë argjendi, Era shkëlqeu në mes të stadiumit në performancën që u mbajt 10 min para ndeshjes finale.
Ceremonia mbyllëse u mbajt në stadiumin e kryeqytetit rus Moskë “Luzhniki Arena”, i cili është stadiumi kombëtar i Rusisë, para 81 mijë spektatorëve.
Kjo është hera e parë që një shqiptare performon himnin e Botërorit dhe ne nuk mund të jemi më krenarë se kaq!
