Dy ditë më parë, në rrjet qarkulluan disa foto të këngëtarit Young Zerka me një vajzë bjonde në pishinë.
Ata ishin fotografuar në jug të Shqipërisë dhe në pozat e shkrepura shfaqeshin duke biseduar, teksa qëndronin shumë pranë njëri-tjetrit.
Në rrjet nisi të aludohej se vajza ishte e dashura e re e Zerka-s, mirëpo nuk hidhet poshtë mundësia se ajo mund të jetë një nga vajzat e klipit të tij më të ri.
Pas disa kërkimeve, “iconstyle.al” zbuloi se vajza në fjalë është modele dhe quhet Joana Alimema.
Në lidhje me lajmet me Zerka-n, Joana ka reaguar në një postim në Instastory, mirëpo ende na ka lënë lëmsh të gjithëve.
“Upsss”- shkruan modelja krahas fotos së lajmit dhe ne s’po dimë ç’të mendojmë!
Zerka është përfolur prej kohësh për lidhjen e tij të dashurisë me Ronela Hajatin, mirëpo kjo e fundit ndodhet momentalisht jashtë vendit dhe nuk dihet se ç’po ndodh me çiftin.
Presim të zbulojmë nëse Zerka vazhdon të jetë i lidhur me Ronelën, apo ka nisur një romancë të re.
