Të gjithë e mbajnë mend tekstin e këngës së Beyonce-s, “Becky me flokë të bukura”, të cilën u përfol se ia kishte kushtuar Rita Orës, pas thashethemeve për një lidhje mes saj dhe reperit Jay Z.
Edhe pse kanë kaluar muaj nga këto thashetheme, Rita Ora ka shpërthyer ndaj mediave që përhapën lajmin se ajo ishte femra me të cilën Jay Z kishte tradhtuar Beyoncen. Ajo i ka quajtur ato të ashpra dhe ofenduese.
“Së pari dhe më e rëndësishmja, Jay Z është frymëzimi im si edhe një nga idhujt e mi, si nga tekstet, muzika dhe biznesi”, është shprehur këngëtarja shqiptare në një intervistë për “Vanity Fair”.
“Çdo ditë marr shembull nga ai dhe bashkëshortja e tij. Beyonce ishte një nga idhujt e mi më të mëdhenj kur isha e vogël. Mu duken shumë të ashpra dhe ofenduese ato thashetheme, jo vetëm për mua, por për të gjitha femrat që akuzohen për diçka që nuk ka aspak lidhje me muzikën”, ka thënë 25-vjeçarja shqiptare.
Burimi: Daily Mail
*Shfleto galerinë
