Pas ndarjes nga DJ-i Vin Veli, ajo u përfol sërish sot për jetën e saj personale dhe nisjen e një romance të re. Sipas medias “Apletnews”, Bora Zemani ka nisur një lidhje me aktorin e humorit , Donald Veshaj.
Ndërsa dyshohej se njohja mes tyre nisi në ambientet e “TV Klan”, tashmë vjen reagimi i parë i moderatores së njohur shqiptare.
Në një intrevistë për “Revistën Class”, Bora hedh poshtë thashethemet se po përjeton një lidhje të re dashurie.
“Nuk ka asgjë të re në jetën time. Kur të ketë diçka, do ta merrni vesh, por për momentin jam vetëm”, shprehet Zemani.
Pavarësisht se nuk përmendet emri i aktorit, me këto dy fjali Bora vendos që të mbyllë zërat se një mashkull i ri ka hyrë në jetën e saj dhe të të birit, Arborit.
E pyetur për marrëdhënien me ish-partnerin Vin Veli, Bora thotë:
“Kemi marrëdhënie korrekte. Për ne e rëndësishme është mos t’i mungojë Arborit dashuria dhe vëmendja e të dy prindërve”.
Ndërsa nuk ka një imazh të mashkullit ideal në mendjen e saj, moderatorja e ka shumë të qartë se çfarë nuk duron te një mashkull:
“Unë nuk duroj dot mungesën e logjikës, mendimet e cekëta”.
Kur të gjejë mashkullin e duhur, ajo duket se dëshiron t’i plotësojë dëshirën të birit: “Mami bëj dhe një gocë, se çun jam vetë”.
